Një ngjarje e rëndë ka ndodhur mesditën e kësaj të hëne në fshatin Balldren të Lezhës, ku një i moshuar dyshohet se ka humbur jetën, pasi ka rënë në një shpellë natyrore rreth 20 metra të thellë.
Forcat zjarrfikëse dhe shërbimet e policisë ndodhen në vendngjarje dhe po punojnë për nxjerrjen e trupit të pajetë.
Sipas informacioneve paraprake, familjarët kanë njoftuar policinë pasi i moshuari ishte larguar nga banesa dhe nuk ishte kthyer më. Pas disa orësh kërkime, ai është gjetur brenda në një shpellë në malin përballë shtëpisë së tij.
Autoritetet po hetojnë për të zbardhur rrethanat e plota të ngjarjes tragjike.
and then