Deklarata e aktorit Rezart Veleshnja, i cili pretendoi se Arkimed Lushaj (i njohur si Stresi), ende nuk ka përfituar çmimin e madh të fituar dy vite më parë në “Big Brother VIP Kosova”, ka ngjallur reagime të forta.
Por këto fjalë janë hedhur poshtë menjëherë nga babai i reperit. Në një prononcim për emisionin “Kosova Today”, ai i quajti pretendimet e Veleshnjës të pavërteta dhe shpifje.
“Është komplet e pavërtetë ajo që është deklaruar. Është shpifje dhe trillim, nuk e di nga kush e ka marrë. E vërteta është që lekët e BBVK i kam tërhequr unë personalisht dhe jam marrë vetë me të gjitha veprimet financiare,”- u shpreh Lushaj.
Ai shtoi se menjëherë pas përfundimit të spektaklit, ka udhëtuar drejt Klan Kosova për të firmosur kontratën me drejtorin e televizionit dhe se çdo gjë ka qenë transparente dhe në përputhje me marrëveshjen.
and then