Sezoni 2024-2025 ka qenë një katastrofë e vërtetë për Manchester United. Të dështuar në Premier League dhe në finalen e Europa League ndaj Tottenham, klubi anglez ka luftuar për të gjetur një identitet të vërtetë, pavarësisht një ecurie dinjitoze evropiane, në të cilën eliminoi Athletic Bilbaon, Lyonin dhe Real Sociedadin. Ardhja e Ruben Amorim në stol në nëntor nuk solli pikën e kthesës, megjithatë, drejtuesit kanë vendosur të konfirmojnë besimin tek ai për një sezon të dytë.
Pa kupat evropiane vitin e ardhshëm, Amorim nuk ka më asnjë justifikim: objektivi minimal është ta kthejë Unitedin në katër vendet e para në Angli dhe të sigurojë Champions.
Për ta bërë këtë, trajneri portugez po mbështetet në një merkato ambicioze, ku synohet afrimi një sulmuesi.
Pasi kanë investuar tashmë 75 milionë euro për të siguruar Matheus Cunha nga Wolverhampton, Djajtë e Kuq janë gati të rrisin interesin për një tjetër emër të madh: Bryan Mbeumo. Sipas BBC, United i ka ofruar 70 milionë euro Brentford për 25-vjeçarin kamerunas, i cili ka pasur një sezon të shkëlqyer. Mbeumo, nën kontratë deri në vitin 2027, është gjithashtu në shënjestër të Tottenham.
and then