Një masakër e vërtetë ekologjike po ndodh në lumin e Vjosës. Në pamjet e publikuara nga një ambientalist australian, shihet gjendja alarmante me hidrokarburet e derdhura në ujin e lumit.
Në video shihet gjithashtu se si pasojë e ndotjes kanë humbur jetën edhe kafshë dhe zvarranikë të zonës. “10 centimetra minimumi baltë, më tej është edhe më shumë e thellë, por atje nuk shkoj sepse kanë frikë se nuk dal dot më. Nuk ka më ujë, është vetëm karburant. Ka kafshë të ngordhura duhet u përpjekur të notojnë. Është shumë ngjitëse dhe e nxehtë”, – thotë ai.
Pas publikimit të “” të lajmit dhe videos, ka reaguar deputeti Tritan Shehu. Duke iur referuar pikërisht videos, ai shkruan:
“Vjosën e ka ndotur rëndë korrupsioni që në hyrje të kufirit shqiptar.
Nuk është vetëm ndotja në zonat naftëmbajtëse.
Në Vjosën e mrekullueshme, unike dhe degët e saj derdhen të gjitha ujërat e zeza të qyteteve, fshatrave, zonave të banuara në dy anët e saj.
Asnjë kujdes e investim nga ky regjim, që në Qarkun e Gjirokastrës përfaqësohet nga Lubi Kumbaro, deputete e ministre mjedisi.
Më tej fushat e grumbullimit të mbeturinave, jashtë çdo standardi, të përdorura e kontrolluara nga mafia e tyre.
Të lejuara kundër çdo standardi me firmën e Lubisë.
Që derdhin aty çdo gjë të ndotur dhe shkatërruese për mjedisin, faunën e qeniet e gjalla.
Duke derdhur paratë në xhepat e asaj mafie, lokale e nacionale.
Kjo është e vërteta e hidhur e atij lumi park kombëtar.
Që ky regjim po e degradon në funksion të korrupsionit, papërgjegjshmërisë dhe cinizmit të tij!”
()
and then