Policia e Shkodrës ka vijuar me intensitet operacionin antikanabis të koduar “Koordinata”.
Gjatë kontrolleve në disa njësi administrative, u asgjësuan 40 621 bimë të dyshuara Cannabis Sativa. Për shpërdorim detyre janë proceduar penalisht 8 kryetarë fshatrash dhe 2 roje mjedisi.
Operacioni përfshiu zonat Shalë, Pult, Shosh, Kastrat, Shkrel, Temal dhe Shllak. Policia njofton se kontrollet do të vijojnë në të gjithë qarkun.
Njoftimi i policisë:
Qarku Shkodër / Vijon operacioni policor i koduar “Koordinata”, kundër kultivimit të bimëve narkotike
Gjatë kontrolleve në territorin e qarkut Shkodër u gjetën dhe asgjësuan 40 621 bimë të dyshuara narkotike Cannabis Sativa.
Për shpërdorim detyre procedohen penalisht 8 kryetarë fshatrash dhe 2 roje mjedisi.
Në vijim të operacionit policor të koduar “Koordinata”, strukturat e Drejtorisë Vendore të Policisë Shkodër dhe komisariatet në varësi të saj kanë intensifikuar kontrollet në të gjithë territorin e qarkut, me qëllim goditjen e rasteve të kultivimit të bimëve narkotike.
Në territorin e njësive administrative Shalë, Pult dhe Shosh, shërbimet e Komisariatit të Policisë Shkodër gjetën dhe asgjësuan 15 790 bimë të dyshuara Cannabis Sativa.
Në vijim të veprimeve, u proceduan penalisht për veprën penale “Shpërdorim detyre”:
- V., kryetar i fshatit Pecaj
- M., kryetar i fshatit Ura e Shtrenjtë
- V., kryetar i fshatit Ndrejaj
- M., kryetar i fshatit Nicaj
Gj. K., kryetar i fshatit Mollë
- A., roje mjedisi pranë zonave të mbrojtura
Në territorin e njësive administrative Kastrat dhe Shkrel, shërbimet e Komisariatit të Policisë Malësi e Madhe asgjësuan 22 422 bimë të dyshuara Cannabis Sativa.
Për këto raste u proceduan për shpërdorim detyre:
- I., kryetar i fshatit Bzhetë
Gj. M., kryetar i fshatit Ducaj
- Ç., roje pyjesh
- B., kryetar i fshatit Lohë e Sipërme
Në territorin e njësive administrative Temal dhe Shllak, shërbimet e Komisariatit të Policisë Vau i Dejës asgjësuan 2 409 bimë të dyshuara narkotike Cannabis Sativa.
Vijon puna për identifikimin, kapjen dhe vënien para përgjegjësisë penale të autorëve të kultivimit të paligjshëm.
Operacioni antikanabis i koduar “Koordinata” vijon në të gjithë territorin e qarkut Shkodër.
and then