Ministrja virtuale Diella, përgjegjëse për prokurimet publike, e cila është risia e qeverisë “Rama 4”, për ish-deputetin socialist Petro Koçi nuk është antikushtetuese.
I ftuar në emisionin “Log” në News24, Koçi tha se përgjegjësi për Diellën do të mbajë kryeministri Rama.
Kjo është kundërshtuar nga përfaqësuesi i partisë “Djathtas për zhvillim” eksperti ligjor Rezart Kthupi.
Sipas tij, krijimi i Diellës është antiligjore pasi dekretimin e ministrit duhet ta bëjë presidenti i Republikës.
“Ministri është person fizik, njeri që ka nënë baba, kartë identiteti dhe dekretohet nga presidenti i Republikës.
Kjo do të ishte rrjedhja ligjore e ministrit. Nuk ekziston në konceptin ligjor shqiptar, entiteti digjital”, tha Kthupi.
Petro Koçi: Nëse lexojmë Kushtetutën, është pak e vështirë ta quajmë Diellën antikushtetuese.
Nëse ne konsiderojmë faktin se kush e propozon, dihet se Rama i ka për zemër surprizat dhe kjo ika kalua rkufitjë dhe është bërë lajm në mediat ndërkombëtare.
Unë nuk e shoh si një zgjidhje antikushtetuese.
Rezart Kthupi: Është jashtë ligjit, në Kushtetutë thuhet se ministri dekretohet nga presidenti. Ministri është person fizik, njeri që ka nënë baba , kartë identiteti dhe dekretohe tnga presidenti i republikës. Kjo do të ishte rrjedhja ligjore e ministrit. Nuk ekziston në konceptin ligjor shqiptar entiteti digjital.
Kjo është hile ligjore, që ngarkon kryeministrin për ministrin virtual. Kur del dekretimi dekretohet dhe fusha e përgjegjësisë së ministrit.
Nga ana praktike, është një teknikalitet ekstra jashtë ligjor. Te ana praktike, a mban Diella përgjegjësi penale? Diella a ka aftësi vendimarrëse?
© BalkanWeb
and then