Asocacioni i Gazetarëve të Shqipërisë, AGSH shprehet se një grup prej 26 organizatash shqiptare dhe të huaja, përfshirë organizata për lirinë e medias dhe shoqërinë civile, kërkojnë nga kryeparlamentari Niko Peleshi që të anulohen planet e mazhorancës për të kufizuar praninë e gazetarëve në parlament.
Këto organizata shprehin shqetësimin e thellë për planet e shumicës parlamentare për të kufizuar praninë e gazetarëve në Kuvend, përmes heqjes së filmimeve të pavarura dhe kufizimit të kontakteve spontane me deputetët.
Ata kërkojnë ruajtjen e transparencës dhe aksesit të gazetarëve në Parlament, si dhe shmangien e praktikave që dëmtojnë lirinë e medias.
Postimi i Asocacionit të Gazetarëve të Shqipërisë:
Sot, 26 organizata ndërkombëtare dhe shqiptare për lirinë e medias dhe shoqërinë civile i kanë dërguar një letër të hapur Kryetarit të Kuvendit të Shqipërisë, Niko Peleshi, dhe drejtuesve të grupeve parlamentare.
✍️ Organizatat shprehin shqetësimin e thellë për planet e shumicës parlamentare për të kufizuar aksesin e gazetarëve në Kuvend, përmes heqjes së filmimeve të pavarura dhe kufizimit të kontakteve spontane me deputetët.
📌 Në këtë letër kërkohet:
- Ruajtja e transparencës dhe aksesit real të gazetarëve në Parlament;
- Shmangia e praktikave që kufizojnë pyetjet spontane dhe kontaktin e drejtpërdrejtë me deputetët e ministrat;
- Zbatimi i standardeve europiane për lirinë e medias si pjesë e angazhimeve të Shqipërisë në rrugën e integrimit në BE.
Ky është një apel i 26 organizatave që thekson se kufizimi i qasjes së gazetarëve do të ishte një hap i rrezikshëm prapa për demokracinë dhe transparencën në vend.
© BalkanWeb
and then