Messi me shokët e tij marrin prej dore Inter Miami duke i dhuruar një biletë për në fazën “play-off” në MLS, i mban në garë për titullin kampion. “Pleshti” argjentinas ishte thjesht fantastik kundër New York duke realizuar një dygolash, njëri më i bukur se tjetër, për më tepër u tregua edhe altruist duke lënë Luis Suarez të godiste një penallti.
Inter Miami kishte kontrollin total të lojës, por goli i avantazhit erdhi vetëm në fundin e pjesës së parë, ku Rodrigues i shërbyer nga Busquets u tregua i saktë duke dërguar topin në rrjetë.
Në fraksionin e dytë, Messi me një finalizim plot klas dyfishoi shifrat. Inter Miami nuk e uli ritmin për asnjë moment dhe në minutën e 83-të fituan një 11-metërsh, i konvertuar në gol nga Luis Suarez. Në fund, në minutën e 86-të, Messi realizoi një tjetër gol të bukur duke kompletuar “dopietën” e tij personale dhe “pokerin” për Inter Miami.
Fal kësaj “dopiete”, Messi ngjitet në kuotën e 24 finalizimeve, plus 14 asiste, duke udhëhequr i vetëm listën e golashënuesve më të mirë në MLS.
()
© BalkanWeb
and then