Më në fund, pas 2 humbjeve radhazi, Lazio rikthehet te fitorja, këtë e bën në transfertë përballë Genoa-s, me kryeqytetasit që triumfuan me rezultatin e pastër 0-3. Cancellieri dhe Castellanos realizuan dy gola të shpejtë duke i dhuruar avantazhin e dyfishtë Lazio-s brenda 30 minutave.
Pas golit të dytë, Marusic doli i dëmtuar duke i dhënë mundësinë Elseid Hysajt që zbriste në fushë, me Sarrin që i besoi anësorit kuqezi. Në fraksionin e dytë ishte Zaccagni që realizoi edhe golin e tretë për Lazio-n duke mbyllur llogaritë me Genoa-n.
Në përfundim të ndeshjes, mediat vlerësuan paraqitjen e Hysajt: “U fut në fushë i freskët, por vuajti jo pak në minutat e mbetura të pjesës së parë. Në fraksionin e dytë mori masat, ndërsa mbështeti ekipin edhe në fazën ofensive”, nota 6 për Hysajn.
Rikthimi i Hysajt në fushë është një lajm pozitiv edhe për trajnerin Sylvinho me këtë të fundit që beson tek anësori kuqezi, i cili në sfidën kundër Serbisë ishte një nga lojtarët më të mirë në fushë.
BalkanWeb
and then