Kreu i Komisionit Qendror të Zgjedhjeve Ilirja Celibashi, në një konferencë për mediat ka folur në lidhje me zgjedhjet e pjesshëm lokale që do të mbahen në 6 bashki të vendit.
I pyetur në lidhje me dekretimin e datës së zgjedhjeve edhe pas ankimimit të Erion Veliaj në Gjykatës Kushtetuese për vendimin e shkarkimit të tij nga detyra, Celibashki u shpreh se KQZ ka detyrë të përgatisë procesin zgjedhor dhe jo të vërë në diskutim vendimmarrjen e presidentit apo çdo institucioni tjetër.
“KQZ ka përgjegjësi vetëm organizimin e zgjedhjeve që dekretohen nga një autoritet tjetër, siç është Presidenti sipas një procedure të caktuar vjen edhe ushtrimi i kompetencës së kreut të shtetit për të nxjerrë dekretin.
KQZ nuk vë në diskutim gjithçka deri në daljen e dekretit, kjo është përgatitja e zgjedhjeve në 6 bashkitë.
Nuk kemi të lejuar të debatojmë vendimmarrjet e Këshillit të Ministrave, Presidentit apo çdo institucioni tjetër. Nuk përfshihemi dot në diskutimin politik”, tha ai.
Kujtojmë se dekretimi i datës së zgjedhjeve nga presidenti Bajram Begaj ka nxitur reagime nga opozita që e quajnë në shkelje flagrante të Kushtetutës.
Kjo pasi i referohen nenit të Kushtetutës ku parashikohet se një depozitim i një ankimimi të tillë në Kushtetuese stopon procesin zgjedhor deri në marrjen e enjë vendimi nga GJK.
Ndërkohë presidenti Begaj e ka argumentuar dekretimin nga ana e tij, me faktin që ankimimi nuk është paraqitur në Gjykatën Administrative.
BalkanWeb
and then