Zhegrova i përgjigjet Kosovës, vjen për herë të parë edhe Albian Hajdari

Edhe pse një grup “ferri”, Kosova synon kualifikimin për në Botëror, por kalendari i rezervon këtë tetor dy sfida jetike, fillimisht presin Slloveninë në Fadil Vokrri dhe më pas luajnë në transfertë përballë Suedisë. Trajneri Franco Foda publikoi listën me 27 lojtarë të ftuar për këto dy takime.

Për herë të parë merr një ftesë Albian Hajdari, i cili vetëm pak ditë më parë vendosi të lërë Zvicrën për Kosovën. Ndërkohë është rikthyer në ekip Milot Rashica. Pjesë e këtij grumbulli është edhe Edon Zhegrova, edhe pse së fundmi u përfol se lojtari do të qëndronte në Torino.

Mungesë e madhe për këto dy takime është Amir Rrahmani, me kapitenin që vuan një dëmtim muskulor.

()

BalkanWeb