Avokati Redi Ramaj, i ftuar mbrëmjen e sotme në emisionin “Log.” në News24, ka komentuar ngjarjen e rëndë që tronditi sistemin e drejtësisë, ku gjyqtari Astrit Kalaja u vra brenda sallës së gjyqit në Gjykatën e Apelit të Juridiksionit të Përgjithshëm në Tiranë.
Ramaj theksoi se Kalaja ishte një gjyqtar me mbi 30 vite përvojë në sistem, dhe që prej shumë vitesh kishte shërbyer në Gjykatën e Apelit në Shkodër, përpara se të transferohej në Tiranë pas shkrirjes së Apelit të Shkodrës.
“Ky gjyqtar ka qenë pjesë e një trupe që punonte deri në orët e vona të pasdites për të përballuar stokun e madh të çështjeve. Rasti që po gjykonte sot datonte që në vitin 2017,” tha Ramaj, duke nënvizuar se mungesa e burimeve dhe lodhja kronike janë realitete të përditshme në sistemin gjyqësor.
Avokati vuri gjithashtu theksin tek kushtet e papërshtatshme fizike në të cilat zhvillohen seancat gjyqësore.
“Salla ku ndodhi ngjarja, nga sa e njoh, është një hapësirë shumë e vogël, ndoshta vetëm 5 deri në 10 metra katrorë. Këta gjyqtarë nuk kanë vetëm presionin e vendimmarrjes, por edhe mungesën e kushteve elementare për të ushtruar detyrën,” u shpreh ai.
BalkanWeb
and then