Goditi me mjet prerës një person muaj më parë, arrestohet i riu në Pogradec

Arrestohet një 30-vjeçar, i cili ishte në kërkim për tentativë vrasjeje. Ngjarja ndodhi në 11 janar të këtij viti në Pogradec.

“Specialistët e Seksionit për Hetimin e Krimeve ndaj Personit ekzekutuan masën e sigurisë “Arrest në burg”, për shtetasin në kërkim S. S., 30 vjeç, banues në Pogradec, caktuar nga Gjykata e Korçës, për veprën penale “Vrasja me dashje”, mbetur në tentativë. Ky shtetas dyshohet se më datë 11.01.2025, në lagjen nr. 1, Pogradec, gjatë një konflikti për motive të dobëta me shtetasin N. A., 23 vjeç, e ka goditur atë, me mjet prerës.”, sqaron policia.

BalkanWeb