U mor nën hetim nga SPAK, ja çfarë shkruhej në fletëthirrjen ndaj Belinda Ballukut, iu dorëzua në Ministrinë e Infrastrukturës dhe Energjisë 4 ditë më parë

Ministrja e Infrastrukturës dhe Energjisë Belinda Balluku është marrë nën hetim nga Prokuroria e Posaçme.

Burime të besuara bëjnë me dije se fletëthirrja që mban firmën e prokurorit të Posaçëm Dritan Priençi, i është dorëzuar zonjës Balluku në Ministrinë e Infrastrukturës dhe Energjisë ditën e martë.

Në fletëthirrje zonjës Balluku i bëhet me dije se në momentin e paraqitjes në Prokurorinë e Posaçme duhet të jetë e shoqëruar nga një avokat, çka në raste të tilla lajmëron se mund t’i komunikohet akuzë penale. Kjo nënkupton ndërkohë që me gjasë SPAK do ta ushtrojë ndjekjen penale ndaj numrit dy të mazhorancës pa masë sigurie e në këtë mënyrë prokurorët e posaçëm shmangin edhe kërkesën për autorizim në Kuvendin e Shqipërisë.