Pas përfundimit të ndeshjeve të fundit kualifikuese të botërorit, fokusi tashmë do të zhvendoset te shorti i Play Off, i cili do të mbahet këtë të enjte në Nyon në orën 13.00.
Gjithsesi, fillimisht këtë të mërkurë do të publikohet renditja e re e FIFA-s, ashtu siç zakonisht vjen përditësimi i klasifikimit pas sfidave.
Sa i takon vazove të Play Off, ideja është që në 3 vazo do të ndahen 12 ekipet që janë pozicionuar të dytat në çdo grup. Vazo e katërt mban skuadrat që kanë ardhur nga Nations League.
UEFA ka vendosur që ekipet e vazos së 1 do të përballen me ato të vazos 4, ndërsa vazoja e 2-të do të kombinohet me vazon e 3-të.
Gjysmëfinalet e play-off mbahen më 26 mars, ndërsa ato finale më 31 mars 2026. Në Botëror, nga takimet që do zhvillohen në mars, do të shkojnë 4 ekipe. Theksojmë se Kosova dhe Shqipëria janë në vazon e 3-të, çka do të thotë se përplasja vëllazërore është shmangur.
and then