Pavarësisht fillimit të uljes së nivelit të ujit pas mbylljes së argjinaturës së lagunës së Vainit, situata në disa zona të Shënkollit, Zejmenit dhe Kolshit mbetet e vështirë, me banesa ende të rrethuara nga uji dhe qindra hektarë tokë bujqësore të përmbytura. Në këto kushte, Bashkia Lezhë ka shtuar ndërhyrjet në terren për të garantuar ndihmën për banorët e prekur.
Prej ditës së djeshme, Shërbimi Social i Bashkisë është angazhuar me ekipet e tij në shpërndarjen e ushqimeve dhe produkteve të domosdoshme, si dhe në mbështetjen e blegtorisë me bazë ushqimore. Sipas drejtoreshës së Shërbimit Social, Marte Fetaj, deri tani janë shpërndarë rreth 300 pako ushqimore, së bashku me sasi të konsiderueshme të ushqimit për krerët e blegtorisë në zonat më të goditura.
Tërheqja e ujit në zonat e përmbytura në Lezhë po vijon me ritme të ngadalta, pasi kanalet kulluese vijojnë të jenë me nivele të larta, duke mos favorizuar evadimin e shpejtë të ujërave.
and then