Miliona euro afera për Llogaranë dhe Unazën e Madhe/ Protesta për Veliajn, por jo për Ballukun? Tedi Blushi: Takimi 7 orësh në Kryeministri është “çelësi” për…

Sekretari i Partisë së Lirisë, Tedi Blushi në emisionin “Kjo Javë” me Nisida Tufën në Neës 24 foli për skandalin “Balluku”.

Tedi Blushu tha se të gjitha rrugët e korrupsionit të çojnë te kryeministri Edi Rama.

“Kemi dëshmuar se për çështje të caktuara organizojmë protesta. Dhe cdo ditë organizojmë protesta. Pas çdo afere korruptive, apo të gjitha rrugët e korrupsionit të çojnë te Rama. Sa për aferën tek zonja Balluku. Kemi dy standarde të një kryeministri që fshihet pas korrupsionit. Nuk shkarkon  Belinda Ballukun sepse në atë takim prej 7 orësh, mjafton të shohësh rezistencën e Edi Ramës. Ato janë pengje të njërit tjetrit. A ka apo jo një puc Kushtetues?, kështu është orientuar debati publik. Pra Edi Rama në konferencë foli për mbrojtjen e vetes së vet. Partia e Lirisë është e qartë në qëndrimin e saj. Asnjeri nuk ka dilemë as për rastin e zonjës Balluku, Por e ritheksoj se pas çdo afere korrupsioni qëndron një njeri i vetëm dhe kapja e reformës në drejtësi ishte garantimi i pandëshkuemërisë që është Edi Rama. Përse nuk pyetet Rama për aferën McGonigal. Dhe as nuk ka ndërmend të merret në pyetje. A besoni që mund të hajë njëri kumbulla pas kurrizit të Ramës. Belinda i kërkoi takimin 7 orësh, si duket i ka thënë që zotëri unë ty të kam sjellë valixhe sepse nuk i kam marrë të gjitha për vete…”, tha ai.