Deputetja e PD, Ina Zhupa ka vizituar një nga bizneset e grumbullimit dhe shitjes së mandarinave në Mursi, ku ka shprehur mbështetjen e saj të plotë për prodhuesit vendas dhe për sipërmarrjet që punojnë ndershmërisht.
Zhupa theksoi se vendi ynë është i bekuar me natyrë të mrekullueshme dhe njerëz punëtorë, por, sipas saj, vuan nga papërgjegjshmëria e institucioneve që nuk arrijnë të mbrojnë interesin e qytetarëve. Ajo ngriti shqetësimin se paaftësia e AKU-së për të kontrolluar tregun dhe për të gjurmuar abuzuesit krijon terren për lajme të rreme dhe godet drejtpërdrejt fermerët dhe bizneset që punojnë me integritet.
Gjatë vizitës, Zhupa vlerësoi modelin e suksesit të ndërtuar nga Fatmir Shero me prodhimet e fermerëve të Konispolit, prodhime të cilësisë së lartë, të arritura falë mundit dhe djersës së fermerëve, por pa asnjë mbështetje nga shteti.
Ajo u bëri thirrje qytetarëve të mbështesin ekonominë vendase: “Blini produktet e tyre, blini mundin e fermerëve tanë. Vetëm kështu i japim vlerë punës së tyre dhe fuqizojmë prodhimin shqiptar.”
Statusi i plotë i Ina Zhupës:
Vendi ynë është i bekuar nga natyra dhe nga duart punëtore të njerëzve të ndershëm, por fatkeqësisht i mallkuar nga qeveritarë të papërgjegjshëm që nuk i çojnë fondet e buxhetit atje ku duhet: te qytetarët, te fermerët, te ata që punojnë me përkushtim.
Ndërkohë që AKU tregohet e paaftë për të kontrolluar abuzuesit dhe përhapjen e lajmeve të rreme që dëmtojnë fermerët dhe bizneset e ndershme, njerëz si Fatmir Shero vazhdojnë të ndërtojnë modele suksesi me prodhimet e fermerëve të Konispolit.
AKU ka për detyrë të kontrolloj në kohë tregun dhe të gjurmoj abuzuesit për t’i vënë para përgjegjësisë dhe mos të bëhet pjesë e skemave për dëmtimin e prodhimit vendas.
Prodhime me cilësi të jashtëzakonshme, të realizuara vetëm me mund, përkushtim dhe sakrifica dhe fatkeqësisht me zero mbështetje nga shteti.
Të mbështesim punën e fermerëve tanë. Të bejmë produkte vendase. Vetëm kështu i japim vlerë punës së tyre dhe fuqizojmë prodhimin shqiptar.
and then