Të enjten në Europa League u zhvillua edhe raundi i 6 dhe i fundit për 2025 i fazës së ligës, aty ku për momentin janë 3 skuadrat që kryesojnë renditjen me kuotë të njëjtë pikësh plotë 15.
Aston Villa e Unai Emery mundi 1-2 në trasfertën zvicerane Baselin e Xherdan Shaqirit, duke koleksionuar fitoren e 5 sezonale në Europa League. Guessend kaloi në avantazh miqtë që në minutën e 12, ndërsa goli i barazimit erdhi në minutën e 34 me Danililuc. Megjithatë anglezët nuk hoqën dorë nga sulmet e u shpërblyen me golin e Tielemans 8 minuta nga nisja e pjesës së dytë për të koleksionuar 3 pikët.
Me rezultatin 2-1 fiton edhe Lyon, me francezët që mposhtën në shtëpi holandezët e Go Ahead Eagles. Të 3 golat e sfidës u realizuan brenda 11 minutave të para të ndeshjes. Morerira dhe Sulc shënuan për ekipin e Fonsecës, ndërsa barazimi i përkohshëm erdhi nga Smit.
Midtyjlland është skuadra surprise këtë sezon pas 6 raundeve të para në Europa League. Skuadra daneze fitoi edhe në sfidën e së enjtes përballë belgëve të Genk, ku për 3 pikët mjaftoi vetëm një gol i Cho Gue-Sung.
and then