Telenovela “Raspadori” është tashmë në seritë e fundit. Sulmuesi i Atletico Madrid është objektiv i disa klubeve në Serie A, ku në Romë po e prisnin krahëhapur, por në mënyrë të papritur sulmuesi “azzurr” ka zgjedhur Atalanta-n. Në kryeqytet, të gjithë prisnin që Raspadori të prezantohej zyrtarisht pasi Massara kishte gjetur akordin si me klubin e Atletico Madrid ashtu edhe me përfaqësues të lojtarit, por në fund, Raspadori dribloi duke zgjedhur Atalantën.
Sipas mediave italiane, ekipi bergamask pritet të finalizojë këtë transferim në bazën e 25 milionë euro. Përcaktues në këtë ndryshim ishte fakti se Roma e kërkonte në formë huazimi, do të blinin kartonin e tij vetëm nëse kualifikoheshin në Champions, ndërsa Atalanta do të blejë kartonin e tij me titull definitiv.
Me ardhmen e Raspadorit, drejtuesit e ekipit bergamask janë të hapur për largime ku i parë në listë është Lookman. Sulmuesi nigerian i është premtuar Fenerbahces dhe e ardhmja e tij pritet të jetë pikërisht në Turqi, me palët që kanë gjetur akordin mbi bazën e 40 milionë euro. Gjithnjë sipas mediave, Lookman nuk pritet të rikthehet fare në Itali pasi të përfundojë Kupa e Afrikës, por do të zbarkojë menjëherë në Stamboll.
and then