Deklarata e Safe Journalists për RTSH-në, reagon Rama: Keqkuptim thellësisht i shtrembëruar, vërejtjet e mia s’kanë të bëjnë me…

Kryeministri Edi Rama ka reaguar pas një qëndrimi të organizatës Safe Journalists që sipas tij keqinterpreton qëndrimin e tij ndaj RTSH-së.

Në reagimin e tij, Rama e konsideron deklaratën si një përpjekje mashtruese që shtrembëron thelbin e fjalimit të tij. “Po bëhet një model i pafat i kësaj epoke të përtacisë së shfrenuar për të dëgjuar atë që thonë të tjerët në të vërtetë,” shkruan ai.

Kryeministri thekson se vërejtjet e tij nuk kanë asnjë lidhje me “lidhjen e financimit ose ekzistencës së RTSH-së me miratimin politik” dhe çdo interpretim të tillë e quan “të pasaktë dhe mashtrues”.

Deklarata e SafeJournalists:

Rrjeti SafeJournalists ka shprehur shqetësim lidhur me deklaratat publike të bëra nga Kryeministri i Shqipërisë, Edi Rama, në lidhje me rolin, financimin dhe të ardhmen e transmetuesit publik RTSH.

Rrjeti paralajmëron se lidhja e financimit apo e vetë ekzistencës së RTSH-së me miratimin politik minon pavarësinë e tij dhe paraqet rreziqe për lirinë e medias.

Ai thekson se media e shërbimit publik duhet të vlerësohet përmes reformave transparente dhe të bazuara ligjërisht, dhe jo përmes retorikës politike, veçanërisht në kontekstin e procesit të anëtarësimit të Shqipërisë në Bashkimin Europian, ku liria e medias dhe pavarësia institucionale janë standarde kyçe.

Reagimi i Kryeministrit Edi Rama: 

Po bëhet një model për të ardhur keq i kësaj epoke të re të përtacisë së shfrenuar ndaj dëgjimit të asaj që të tjerët realisht thonë, që të përballemi me deklarata si ajo e bashkëngjitura, të cilat pasqyrojnë një keqkuptim thellësisht të shtrembëruar të qëndrimit tim lidhur me Transmetuesin Publik Shqiptar.

I ftoj autorët e kësaj deklarate keqorientuese ta lexojnë ose ta dëgjojnë me kujdes fjalimin tim dhe të bëjnë një përpjekje të sinqertë për të kuptuar thelbin. Vërejtjet e mia nuk kanë të bëjnë absolutisht aspak me “lidhjen e financimit apo të ekzistencës së RTSH-së me miratimin politik”. Çdo interpretim i tillë është thjesht i pasaktë dhe keqorientues.

Mbrojtja e informacionit nis me mos përhapjen e dezinformimit.

Mbrojtja e informacionit nis me mos përhapjen e dezinformimit.