VIDEO-FOTO/ 20 protestues të shoqëruar në polici, tensionohet situata në komisariatin nr.1 në Tiranë. Qytetarë dhe deputetë të PD futen brenda ambienteve

Tensionohet situata në ambientet e Komisariatit të Policisë nr.1 në Tiranë, ku ndodhen 20 protestues të ndaluar gjatë protestës së sotme të opozitës.

Sic shihet nga pamjet, familjarë të personave që janë ndaluar, kanë hyrë brenda ambienteve të komisariatit. Bashkë me ta ndodhen dhe deputetë të PD si Tomor Alizoti dhe Agron Gjekmarkaj.

Partia Demokratike ka denoncuar dhunën policore gjatë protestës së opozitës, ku mbetën të plagosur disa qytetarë, mes të cilëve dhe fëmijë.