Numri një i stolit të Atalantës, Raffaele Palladino dha mendimin e tij para ndeshjes ndaj Dortmund në Champions. Ai u shpreh se skuadra bergamaske do provojë për kualifikimin, edhe pse është e vështirë pas humbjes 2-0 në aktin e parë.
“Është një mision i vështirë, e dimë këtë. Por duhet të përpiqemi, do ta bëjmë me gjithë forcën dhe të gjitha armët tona, me entuziazëm dhe besim të madh në aftësitë tona. Duhet të përpiqemi të luajmë lojën tonë, me cilësi dhe vetëbesim të madh. Duhet të përpiqemi deri në fund, dua ta shoh këtë nga skuadra”, tha trajneri i Atalantës një javë pas humbjes 2-0 në Gjermani.
“Nuk mund të pësojmë gola në minutën e parë. Do të duhet t’i kushtojmë vëmendje gjithçkaje, nga detajet te goditjet standarde. Kemi një ëndërr në lojë që duam ta bëjmë realitet. Këto janë ndeshje që të ndihmojnë të rritesh. Nëse gjërat shkojnë keq, do të përqendrohemi në dy garat e tjera që janë po aq të rëndësishme për ne”, shtoi ai.
and then