“E drejta për të demonstruar s’mund të justifikojë dhunën”, ambasada gjermane reagon për protestën e PD: Mbështesim deklaratën e delegacionit të BE-së

Ambasada Gjermane në Tiranë mbështet qëndrimin e delegacionit të BE-së publikuar gjatë ditës së sotme ndaj protestës së opozitës më 28 shkurt.

Në një reagim në rrjetin social Instagram, përmes një mesazhi, ambasada gjermane thotë se e drejta për të demonstruar nuk mund të justifikojë kurrë dhunën kundër njerëzve ose pronës.

“Udhëheqësit politike duhet te permbushin pergjegjesine e tyre per bashkëjetesë paqesore ne nje demokraci”, shkruhet në mesazhin e ambasadës gjermane në Tiranë.