Sot festohet 7 Marsi, Dita e Mësuesit, një ditë simbolike kushtuar nderimit dhe vlerësimit të mësuesve për kontributin e tyre në arsimimin dhe formimin e brezave të rinj.
Në emisionin “Kjo Javë” në News24, profesor Bardhyl Musai është u shpreh se sistemi arsimor në vendin tonë ka problematika të shumta dhe modeli pedagogjik që ndiqet është i vjetëruar.
“Kemi një model të vjetër pedagogjik të bazuar në riprodhimin, dhe riprodhimin e konsideron si rezultat, pra nxënësi vlerësohet nga besnikëria e riprodhimit të dijes.
Duhet ndryshuar modeli i vjetëruar. Problemi është sistemik në të gjithë sistemin. Por ka mësues dhe individë që punojnë me përkushtim dhe e shohin nxënësin jashtë sistemit”, tha ai.
Profesori ka folur edhe në lidhje me botimin e tij “Kultura e të menduarit në shkollat shqiptare, manifest për arsimin”, ku u shpreh se është një analizë e thellë e sistemit arsimor, ku evidentohen problemet dhe disa kontradikta evidente, nga ana tjetër ai u shpreh se ka bërë një analizë edhe të politikave arsimore dhe trajton çështjen e të menduarit.
“Nxitjen për manifestin e mora nga sistemi, ky nuk është një akuzë për sistemin, por bëhet thirrje për një dialog të gjerë që të kontribuojmë të gjithë në përmirësimin e situatës. Nuk jep receta magjike por bën thirrje për dialog. Shkolla jonë duhet të mësojë nxënësit të mendojnë”, tha ai.
and then