Deputeti i Partisë Demokratike, Belind Këlliçi, i ftuar në studion e emisionit “Kjo Javë” në News24, ka zbuluar një komunikim që sipas tij ndodhet në dosjen për ish-zv/kryeministren Belinda Balluku, për të cilën SPAK kërkoi autorizim për arrestim, kërkesë që u rrëzua sot në Parlament.
Këlliçi publikoi një mesazh që sipas tij i përket vitit 2019 dhe që pretendohet të jetë dërguar nga Balluku drejt ish-zyrtarit dhe vartësit të saj, Evis Berberi.
“Sipas një SMS-je të dërguar në vitin 2019, në orën 19:49, Balluku i shkruan Evis Berberit: ‘A e ke nxjerrë pasqyrën sa shtëpi ke shitur?’”, deklaroi deputeti demokrat.
Këlliçi theksoi se, sipas tij, nuk dihet që Balluku të ketë qenë pronare e ndonjë agjencie imobiliare, duke ngritur pikëpyetje mbi përmbajtjen e komunikimit.
“Nuk dimë të ketë qenë pronare e ndonjë agjencie imobiliare. Pyetja ka qenë kjo: ‘A e ke bërë pasqyrën sa shtëpi ke shitur?’ Ka edhe mesazhe të tjera”, u shpreh ai.
Deputeti i PD shtoi se është i bindur se në vijim do të dalin edhe prova dhe fakte të tjera në lidhje me këtë çështje.
and then