Në Itali, dy të përditshmet më të mëdha sportive, La Gazzetta dello Sport dhe Corriere i kushtuan faqen e parë të ardhmes së trajnerit të ri të Italisë, por të dyja ndahen në një pikë shumë të fortë, kush do të ulet në stolin e kaltër: “Conte, gjithnjë azzurr. Lirohet nga Napoli dhe sheh Italinë”, shkruan e përditshmja italiane në faqen e parë.
Fakt është që Conte këtë periudhë ka lëshuar sinjale të forta në distancë. Fillimisht u shfaq i lumtur që emri i tij u lakua si pasuesi i Gattuso-s duke theksuar se për të është një nder, ndërsa së fundmi pas ndeshjes kundër Pisa u shpreh se presidenti De Laurentiis e di të ardhmen e tij, ja ka shprehur rreth një muaj më parë.
Në këtë mënyrë pas 10 vitesh, gjithnjë sipas La Gazzetta dello Sport, Conte është gati të rikthehet në krye të ekipit përfaqësues. Ndryshe nga La Gazzetta, e përditshmja tjetër italiane, Corriere dello Sport, ka një tjetër version, për të kandidati kryesor për të marrë drejtimin e Italisë është një tjetër ish i famshëm, Roberto Mancini: “Mancini është favorit. Ish trajneri mund të rikthehet në stolin e Italisë pas 3 vitesh”, shkruan Corriere dello Sport.
and then