Detaje të reja mësohen nga plagosja e Brian Syzos në Pogradec. News24 mëson pas kërkimeve të shtuara, autori Nikolla Agolli është personi i kapur në Prrenjas.
Ndërsa është në kërkim një person, i cili ka qenë bashkë me autorin.
Mësohet se ata e kanë lënë mjetin e tyre në Qafë Thanë dhe janë larguar me një furgon.
Njoftimi i policisë;
Plagosi me armë zjarri një 35-vjeçar në Pogradec dhe u largua, kapet në Përrenjas pas disa minutash ndjekjeje nga Policia.
Rreth orës 13:15, në lagjen nr. 3, dyshohet se, gjatë një konflikti, shtetasi N. A., 24 vjeç, banues në Buçimas, Pogradec, ka plagosur me armë zjarri, në këmbë, shtetasin B. S., rreth 35 vjeç, i cili po merr mjekim në spital dhe është jashtë rrezikut për jetën.
Shërbimet e Policisë së Pogradecit, në bashkëpunim me shërbimet e Stacionit të Policisë Përrenjas, kapën dhe po shoqërojnë në Komisariat, për veprime të mëtejshme procedurale, autorin e dyshuar të ngjarjes.
Grupi hetimor, nën drejtimin e Prokurorisë, vijon veprimet për zbardhjen e rrethanave të konfliktit dhe dokumentimin ligjor të ngjarjes.
and then