Kimi Antonelli fiton Çmimin e Madh të Spanjës, duke i dhënë Mercedesit një tjetër sukses të rëndësishëm, e duke iu afruar titullit kampion. Piloti italian përfitoi edhe nga strategjia e përsosur e skuadrës, që e thirri në bokse vetëm pak çaste pas aktivizimit të Virtual Safety Car, duke i dhënë një avantazh vendimtar.
Ky moment penalizoi Lando Norris, i cili kryesonte garën, por kishte kaluar tashmë hyrjen e bokseve. Kur Virtual Safety Car përfundoi, britaniku nuk mundi të përfitonte nga ndalesa e favorshme.
Antonelli ruajti kryesimin deri në fund, ndërsa në podium u ngjitën edhe Max Verstappen dhe Lando Norris. Charles Leclerc përfundoi i katërti, ndërsa George Russell mbylli pesëshen e parë.
Gara përfundoi shpejt për Lewis Hamilton, i detyruar të tërhiqej pas vetëm shtatë xhirosh për shkak të problemeve me frenat.
Me këtë triumf, Antonelli thellon avantazhin në klasifikimin e pilotëve, duke pasur tashmë 81 pikë më shumë se ndjekësi më i afërt. Një tjetër paraqitje e madhe për italianin, që vazhdon dominimin në Formula 1.
and then