Gleison Bremer është një futbollist i Juventusit. Mbrojtësi brazilian, i cili deri dje dukej se do të shkonte te Interi dhe kishte një akord me këtë skuadër, është zyrtarizuar sot pasdite nga bardhezinjtë të cilët i kanë bërë një ofertë më të mirë si Torinos, ashtu edhe vetë lojtarit.
Bardhezinjtë bënë të ditur në komunikatën e tyre për shtyp se Bremer u kishte kushtuar 41 milionë euro, të cilët do t’i paguante në tre këste, si dhe një bonus deri në 8 milionë euro në varësi të objektivave të arritur nga lojtari e klubi. Ndërkohë, u konfirmua se me mbrojtësin ishte nënshkruar një kontratë deri në vitin 2027.
Bremer hyri në axhendën e bardhezinjve në momentin kur De Ligt kërkoi shitjen te Bajern Mynih. Sapo Juventusi shiti holandezin, u hodh në sulm për brazilianin i cili ishte pranë firmës me zikaltërit por ndërroi mendje në momentin kur mësoi për këtë ofertë të bardhezinjve. Dje u arrit akordi parimor mes palëve dhe sot, pas vizitave mjekësore, u bë edhe zyrtarizimi i transferimit të tij.
𝗕𝗿𝗲𝗺𝗲𝗿 𝗶𝘀 𝗕𝗶𝗮𝗻𝗰𝗼𝗻𝗲𝗿𝗼! ⚪️⚫️✅#WelcomeBremer
— JuventusFC (@juventusfcen) July 20, 2022
Arena e Lajmit
Loading…
and then