Qëndrimin e Milan Shkriniarit tek Interi mund ta ketë siguruar shitja e Andrea Pinamontit te Sasuolo. 20 milionë eurot e arkëtuara nga transferimi i sulmuesit, janë një lehtësim për arkat zikaltër, të cilat ama kanë ende nevojë për të ardhura, diçka që drejtuesit shpresojnë ta zgjidhin nga një tjetër i ri: Çezare Kazadei, për të cilin jo më kot po i kërkojnë Çelsit 20 milionë euro.
Blutë janë ndalur në një ofertë prej 15 milionë eurosh për 19-vjeçarin e ekipit të të rinjve, që në rast largimi do të sillte një shumë që do të shkonte e gjitha si plusvalencë, duke parë rritjen e tij në akademinë zikaltër. Pavarësisht kësaj, PSG-ja nuk ka hequr dorë ende nga Shkriniari, për të cilin pritet një ofertë prej 60 milionë eurosh, edhe pse francezët po monitorojnë edhe të tjerë emra, sipas “L’Equipe”.
Por ndërsa Shkriniari nuk është ende i sigurt për të ardhmen e tij që nuk varet vetëm nga PSG-ja, por edhe nga ekonomia e Interit, sllovaku e ka bërë të qartë se në rast qëndrimi do të kërkojë një rinovim që shkon deri në 6 milionë euro, dyfishi i rrogës aktuale.
Arena e Lajmit
and then