Napoli bëri një goditje të rëndësishme në merkato këtë javë, pasi afroi sulmuesin argjentinas Xhiovani Simeone nga radhët e Veronës. Djali i “Cholo” Simeone ka qenë një nga sulmuesit më të spikatur në edicionin e kaluar ndaj edhe Luçiano Spaleti ishte mëse i kënaqur që ia doli ta kishte në radhët e skuadrës së tij.
Por mbi të gjitha, ai ishte i kënaqur nga fakti se Simeone kishte bërë gjithçka që t’u bashkohej napolitanëve edhe pse aty do të kishte rivalitet për një vend në formacion.
“Për mua Simeonë është një qendërsulmues, si Osimhen, por Xhiovani është një person i cili rrugën për të mbërritur deri këtu e ka bërë vetë. Jam i sigurt që ka personalitetin e duhur për t’u vënë në dispozicion të skuadrës, e kuptova menjëherë sapo e pashë.
Kur vendosi të vinte këtu, e dinte që është Osimhen dhe gjithsesi ka bërë maksimumin për të ardhur, nuk deshi të dëgjonte për skuadra të tjera edhe pse e dinte për Osimhen. Është një punëtor i madh, bën edhe punën e pistë për shokët e skuadrës, përtej të shënuarit gola dhe kjo më mjafton:”, theksoi Spaleti në konferencën e sotme për shtyp.
Arena e Lajmit
and then