Aktori i njohur dhe modelja dhurojnë puthje pasionante në tapetin e kuq në Kanë (FOTO)

Austin Butler dhe Kaia Gerber shkëlqyen gjatë paraqitjes së tyre së bashku në Festivalin më të madh të Filmit në Kanë.

Modelja ndodhej krah aktorit teksa parakaluan në tapetin e kuq për premierën e filmit të tij të ri “Elvis”.Dyshja kishin zgjedhur të visheshin nga e njëjta markë “Celine” me bizhuteri “Cartier”.

Kaia dukej e mrekullueshme veshur me nje fustan të kuq të gjatë. Ajo kishte zgjedhur t’i mblidhte flokët lartë, duke lënë që të gjithë vëmendjen ta marrë pjesa e pasme e hapur e fustanit.

Ndërsa Austin gjithashtu shkëlqente në kostumin e tij të zi me këmishë të bardhë. Ai e kishte kompletuar lukun me një papion të zi.

Gjithë këtë dukje klas ai e kishte thyer mjaft bukur me një lule të vogël lejla në jakën e kostumit. Modelja dhe aktori u fotografuan teksa dhanë një puthje pasionante në tapetin e kuq.

Bashkë me çiftin në këtë event ishin edhe prindërit e Austin, David dhe Lori, së bashku me drejtorin e filmit “Elvis”, Baz Luhrmann.

Traileri i ri për filmin është publikuar së bashku me kolonën zanore të tij. Filmi del në kinema më 24 qershor.

Ju kujtojmë që filmi “Elvis” është një film biografik për Elvis Presley-n nga Baz Luhrmann. Filmi tregon jetën dhe karrierën e Elvisit që nga ditët e tij të hershme si fëmijë duke u rritur në Misisipi deri në ngjitjen e tij si një ikonë rocku dhe yll filmi.

Luhrmann ka rolin e regjisorit dhe bashkë-skenaristit të filmit, së bashku me Sam Bromell, Craig Pearce dhe Jeremy Donner, nga një histori që ai konceptoi me Donner. Elvis vdiq në moshën 42-vjeçare në vitin 1977 nga aritmia kardiake për shkak të një reaksioni toksik ndaj kodeinës.