Roma ka arritur të triumfojë mbrëmjen e djeshme ndaj Empolit të shqiptarëve në transfertë me rezultatin 1-2, e vlefshme për javën e 6-të të Serisë A italiane.
Golat u shënuan nga Paulo Dibala në minutën e 17′, shifrat u barazuan në minutën e 43′ me autor Bandinelin, ndërsa goli i avantazhit dhe i fitores për verdhekuqtë u realizua nga Tami Abraham në minutën e 71′.
Ajo që tërhoqi më shumë vëmendjen në këtë takim, ishte supergoli i shënuar nga Paulo Dibala në minutën e 17′.
Ylli argjentinas i Romës, merr një top në afërsi të zonës duke goditur mjeshtërisht me këmbën e majtë drejt portës duke e dërguar në trekëndësh.
Një eurogol ky i 29-vjeçarit argjentinas që menjëherë u bë viral në rrjet.
Gjithashtu, Dibala dhuroi dhe një asist në këtë takim për golin e sulmuesit britanik, Tami Abraham.
Ky ishte goli i 3 për Dibalën në 6 sfida me fanellën e Romës në këtë sezon, teksa ka dhënë gjithsej edhe 2 asiste për shokët e skuadrës.
Vlen të theksohet se për Empolin, Ardian Ismajli u aktivizua përgjatë gjithë 90 minutëshit, ndërsa Nedim Bajrami e nisi nga pankina dhe u aktivizua në vendin e Marko Pjacës në minutën e 63′.
– Arena e Lajmit
and then