Nico Barella ishte një nga më të mirët e Interit në këtë kompeticion të Champions League. Mesfushori zikaltër u shfaq i përlotur pas dështimit në finalen ndaj Cityt, teksa vetëm ditën e sotme ka mundur të bëjë një postim në Instagram.
“Gjithmonë kam menduar se të fitosh është e barabartë me lavdinë, ndërsa humbja është e barabartë me dështimin.
Por në këto vite më keni mësuar se ka më shumë.
Është krenaria dhe mbi të gjitha dashuria që na keni treguar. Është dhoma e zhveshjes e përbërë nga njerëz që kanë punuar shumë për ta rikthyer Interin aty ku e meriton.
Është djersa që, ju siguroj, e kemi derdhur gjithmonë për këtë fanellë. Është fitorja që na ka dhënë kaq shumë emocione, që do t’i mbajmë brenda vetes përgjithmonë.
Kjo ishte një humbje e hidhur, e vështirë për t’u kapërdirë, por stimuluese në mënyrën e vet për të bërë diçka edhe më të madhe.
Për këtë arsye, medalja e argjendtë do të jetë aty përpara, bashkë me ato të fitoreve dhe jo e fshehur në një cep.
Faleminderit të gjithëve për këtë udhëtim të mrekullueshëm! Nicolo.” – Shkruajti ai.
()
and then