Bayern Munich është vënë në shënjestër nga zyra doganore e Mynihut për mospagimin e pagës minimale për disa nga punonjësit e sektorit të të rinjve. Zëdhënësi i zyrës Thomas Meister konfirmoi për Associated Press se klubi më i pasur dhe më i suksesshëm i Gjermanisë ishte nën hetim për mospagim të punëtorëve të tij nga nëntori 2016 deri në 2021.
Për këtë klubi bavarez ka marrë gjobë prej rreth 250 mijë euro në total, duke përfshirë gjobat për pagesat e vonuara dhe pagesat e sigurimeve shoqërore të shmangura për pesë vjet në fjalë.
Si pjesë e hetimit, zyra zbuloi se punonjësit në kampusin e të rinjve të Bayernit paguheshin 450 euro në muaj “megjithëse qëllimi i tyre aktual i punës ishte shumë më i lartë”.
Në Gjermani, një punë prej 450 eurosh, e njohur gjithashtu si ‘mini-punë’, kufizonte ngarkesën e punës së një punonjësi në punë margjinale me kohë të pjesshme dhe nuk ofronte asnjë siguri sociale. Paga minimale që atëherë është rritur në 520 €.
“Në kundërshtim me rregullat e kontratës dhe orët e regjistruara, janë punuar shumë më tepër orë se sa ishte rënë dakord, me rezultat që pagat minimale të vlefshme nuk janë paguar dhe rregullat e sigurimeve shoqërore janë injoruar”, tha zyra doganore.
()
and then