Thomas Meunier me shumë gjasa do të largohet nga Borussia Dortmund një vit më herët nga ajo çfarë parashikon kontrata. Siç raporton Kicker, belgu është i destinuar të kthehet në vendlindje. 31-vjeçari Meunier ka arritur një marrëveshje në parim me Brugge për tre sezonet e ardhshme, me opsionin për të zgjatur bashkëpunimin edhe për një vit tjetër.
Meunier ka veshur fanellën e Brugge nga viti 2011 deri në vitin 2016, duke zgjuar interesin e Paris Saint-Germain dhe duke kaluar kështu te PSG. Lojtari më pas zbarkoi në Dortmund në verën e vitit 2020. Me verdhezinjtë, ai luajti vetëm 75 paraqitje në tre sezone, duke shënuar 3 gola dhe duke dhuruar 8 asiste.
Sezoni i fundit ishte i komplikuar dhe i kushtëzuar nga dëmtimet, të cilat ishin të shumta. Ndërkohë, klubi nga Signal Iduna Park ka përforcuar në kohë krahun e djathtë, duke nënshkruar me Julian Ryerson nga Union Berlin në janar, sakaq vlen të theksohet se trajneri Terzic mund të llogarisë edhe në shërbimet e Marius Wolf.
()
and then