Këngëtari i njohur Robbie Williams ka thënë se fama “duhet të vijë me një paralajmërim shëndetësor”.
Ylli, i cili ka pasur një sërë hitesh që kur iu bashkua ‘Take That’ në moshën 16-vjeçare në vitin 1990, kthehet në vendlindjen e tij Stoke-on-Trent më vonë për të realizuar koncertin e tij. Rreth 20 mijë fansa pritet ta mirëpresin atë në stadiumin e Port Vale FC.
Duke reflektuar mbi karrierën e tij 30-vjeçare, Williams tha se të qenit një personazh i famshëm mund të jetë një përvojë “e fortë” por “izoluese”, veçanërisht kur je i ri.
Gjatë një interviste në programin Today të Radio 4 me redaktorin e mediave të BBC-së, Amol Rajan, këngëtari i ‘Angels’, 48 vjeç, tha se jeta e tij kishte qenë “e pabesueshme” që në adoleshencë.
“Më vjen mirë që më ndodhi sepse nuk po më ndodhte asgjë tjetër”, tha ai.
Por ai paralajmëroi se “fama ekstreme” ishte si një sëmundje dhe “duhet të vijë me një paralajmërim shëndetësor”, veçanërisht për të rinjtë.
“Unë mendoj se ju duhet të dini se kush jeni dhe çfarë jeni,” tha këngëtari.
“Është diçka që të izolon dhe të bën të ndihesh i çuditshëm. Gjithçka që ndodh jashtë trupit tuaj, me njerëzit që ju shikojnë dhe sillen në një mënyrë të caktuar, ju bën të ndiheni në një mënyrë të caktuar. Nëse nuk jeni aq i aftë për t’u ndjerë mirë me veten, mund të ketë një reagim të ashpër, veçanërisht nëse nuk jeni mjaftueshëm i rritur për ta përballuar atë.”- u shpreh artisti.
and then