Rrjetet sociale nuk po i ndalin aludimet për një lidhje mes Gjesti dhe Eglit, por duket se këtë herë, një detaj minimalist po bën më shumë zhurmë se çdo deklaratë zyrtare.
Në një foto të fundit të publikuar nga Gjesti, vëmendjen nuk e ka marrë as poza, as vendndodhja – por një aksesor: një varëse me disa rruaza të varura në zinxhir. Deri këtu, gjithçka normale. Por njëra nga rruazat ka bërë që fansat të “ndezin alarmin”: në të është e gdhendur shkronja “E”.
Rastësi? Simbolikë? Apo një dedikim i fshehtë për Eglin, ish-banorja me të cilën Gjesti pati një kimi të padiskutueshme gjatë qëndrimit në BBVIP? Fansat e dyshes nuk po e marrin këtë si një detaj të pafajshëm. Përkundrazi, janë të bindur se kjo është mënyra e tij për të “konfirmuar” publikisht – pa folur fare – një ndjenjë që ndoshta po rritet në heshtje.
As Gjesti, as Egli nuk kanë reaguar mbi zhurmën që ka shkaktuar kjo “E” e vogël, por ndjekësit nuk kanë ndërmend të ndalen këtu. A do të kemi një reagim? Apo do të vazhdojnë të flasin detajet?
Një gjë është e sigurt: varëset nuk janë më thjesht aksesor mode.
and then