Shefja e kuzhinës së ‘Food Network’ ndërron jetë në moshën 55-vjeçare

Shefja e Food Network, Anne Burrell, ka ndërruar jetë në moshën 55-vjeçare.

Personazhi televiziv vdiq në shtëpinë e saj në Brooklyn, NY, të martën në mëngjes.

“Anne ishte një grua, motër, bijë, njerkë dhe mikeshë e dashur – buzëqeshja e saj ndriçonte çdo dhomë ku hynte”, shkroi familja e saj në një deklaratë.

“Drita e Anës rrezatonte përtej atyre që ajo njihte, duke prekur miliona njerëz në të gjithë botën. Edhe pse ajo nuk është më me ne, ngrohtësia, shpirti dhe dashuria e saj e pakufishme mbeten të përjetshme.”

Një zëdhënës i Food Network komentoi për vdekjen e Burrell, duke i thënë Page Six: “Anne ishte një person dhe talent i jashtëzakonshëm në kuzhinë – duke dhënë mësim, duke garuar dhe duke ndarë gjithmonë rëndësinë e ushqimit në jetën e saj dhe gëzimin që mund të sjellë një vakt i shijshëm.”

Burrell ishte e martuar me Stuart Claxton , me të cilin u martua në tetor 2021. Çifti u martua në shtëpinë e shefit të kuzhinës së famshme në Cazenovia, qyteti i lindjes së Burrell në veri të Nju Jorkut.