Travis Barker dhe Kourtney Kardashian kaluan katër korrikun jashtë pas daljes së bateristit të Blink-182 nga spitali. Barker postoi një foto në Instagram nga një plazh si dhe një foto të një kamioni portokalli. Ylli i “Keeping Up With the Kardashians”, bëri të njëjtën gjë, duke shpërndarë gjithashtu një video duke hipur në makinë me vajzën Penelope dhe djalin Reign, ndërsa dëgjonin “Grenade” nga Bruno Mars.
Postimet e çiftit në rrjetet sociale erdhën një javë pasi Barker u shtrua në spital në Qendrën Mjekësore Cedars-Sinai në Los Angeles. Ndërsa anëtarët e familjes së kandidatit për Grammy kërkuan “lutje nga njerëzit” pas shtrimit të tij në spital për pankreatitin, ai dhe Kardashian pritën deri të shtunën për të thyer heshtjen për problemin e tij shëndetësor.
Travis zbuloi se ishte trajtuar për pankreatit pasi iu nënshtrua një endoskopie, ndërsa Kourtney, e cila ka qenë pranë tij, shprehu mirënjohjen e saj që ai është duke u shëruar. “Oh sa javë e frikshme dhe emocionale ka qenë”, shkroi ylli i Kardashians, e cila u martua me Travis në Itali vetëm muajin e kaluar, në Instagram Story. “Shëndeti ynë është gjithçka dhe ndonjëherë ne e marrim të mirëqenë se sa shpejt mund të ndryshojë. Travis dhe unë shkuam për një endoskopi rutinë së bashku dhe ai përfundoi me pankreatit të rëndë, kërcënues për jetën.”
Kourtney vazhdoi, “Unë jam shumë mirënjohëse ndaj Zotit që shëroi burrin tim, për të gjitha lutjet tuaja për të dhe për ne, për dashurinë dhe mbështetjen. Jam shumë e prekur dhe mirënjohëse.” Ajo falënderoi gjithashtu “specialistët, mjekët dhe infermierët për kujdesin për të dhe burrin e saj.
Dy ditë më parë, ish-gruaja e Barker, Shanna Moakler, ndau urimet e saj më të mira për ish-partnerin e saj. “Lutem për një shërim të shpejtë dhe për rehatinë e fëmijëve të mi pasi e di se ata janë shumë të shqetësuar ”, tha modelja për Page Six të enjten. “Unë do të jem gjithmonë aty për të dhe fëmijët e mi.” Moakler ka dy fëmijë djalin Landon dhe vajzën Alabama me Barker.
and then