Lillë ndal kampionët në fuqi të Evropës dhe Francës, PSG. Pas humbjes ndaj Marseille dy javë më pare kjo ishte ndalesa e dytë për parizienët në Ligue 1. Sfida e së dielës në mbrëmje e vlefshme për javën e 7 të kampionatit francez foli e gjitha për kampionët në fuqi. PSG dominoi thuajse në harkun e të gjithë 90 minutave. Goli i zhbllokimit të rezultatit do të vinte vetëm në mesin e pjesës së dytë. Do të ishte portugezi Nuno Mendez që do të nxirrte nga repertori i tij një ekzekutim perfekt, duke ekzekutuar plot mjeshtëri një goditje dënimi nga një distancë jo e afërt.
Sfida u mendua se u zgjdh pas golit të miqve, por Lillë ende nuk e kishte thënë fjalën e fundit teksa do të vinte minuta e 85 kur 18 vjeçari Ethan Mbappe do të gjente saktë rrjetën me një diagonale të shpejtë, duke fiksuar rezultatin përfundimtar në barazim 1-1. Ky ishte goli i dytë për Ethan Mbappe këtë sezon me Lillë, duke bërë që nga tribuna të festonte golin edhe vëllai i tij sulmuesi i Real Madrid, Kylian Mbappe që kishte ardhur për të ndjekur nga afër këtë përballje.
Falë këtij barazimi, PSG mbetet në krye të kampionatit francez me 16 pikë, 1 pikë më shumë se sa 3 skuadrat që ndjekin nga pas, Marseille, Strasburg dhe Lyon, me kampionatin francez që pas 7 javëve të para sheh ekuilibër në pjesën e sipërme të tabelës, ndryshe nga sa jemi mësuar sezonet e fundit, atje kur PSG niste shkëputjen nga kundërshtarët që në fillm të sezoneve.
BalkanWeb
and then