Tiranë, tentuan të kalojnë me mbi 22 mijë euro të padeklaruara, ndalohen 2 maqedonas në aeroportin e Rinasit, 3 të tjerë kapen me dokumenta false

Dy shtetas nga Maqedonia e Veriut janë ndaluar në aeroportin e Rinasit pasi nuk kishin deklaruar një shumë prej 22 805 euro, 2600 dinarë maqedonas.

Policia e Tiranës njofton se ka nisur procedimi në gjendje të lirë për shtetasin nga RMV-ja, A. J., 33 vjeç, i cili do të udhëtonte drejt Norvegjisë, pasi iu gjetën 11 800 euro dhe 2600 dinarë maqedonas, që nuk i kishte deklaruar dhe shtetasin nga RMV-ja, B. I., 43 vjeç, i cili do të udhëtonte drejt Norvegjisë, pasi iu gjetën 11 005 euro që nuk i kishte deklaruar;

Gjithashtu janë ndaluar dhe 6 persona që lëviznin me dokumente false.

“Shtetasi A. R., 30 vjeç, banues në Kamzë, i cili do të udhëtonte drejt Holandës, pasi iu gjetën 1 kartë identiteti dhe 1 leje drejtimi polake, të dyshuara false;

shtetasi K. S., 20 vjeç, banues në Shkodër, i cili do të udhëtonte drejt Italisë, pasi iu gjetën 1 kartë identiteti dhe 1 pasaportë polake, të dyshuara false;

shtetasi A. K., 36 vjeç, banues në Fier, i cili do të udhëtonte drejt Gjermanisë, pasi iu gjet 1 leje drejtimi braziliane e dyshuar false;

shtetësja braziliane L. M., 33 vjeçe, e cila do të udhëtonte drejt Gjermanisë, pasi iu gjet 1 leje drejtimi italiane e dyshuar false.

Kontrollet dhe verifikimet do të vijojnë.

Materialet procedurale iu referuan Prokurorisë së Tiranës, për veprime të mëtejshme.

BalkanWeb