Tom Holland është fotografuar me një ndryshim të madh në look. Aktori është shfaqur me onde ngjyrë kafe të errët gjatë xhirimeve të ‘The Crowded Room’ në New York të martën.
Aktori, 26 vjeç, u shfaq me humor të mirë teksa filmonte skenat për serialin e ardhshëm të Apple TV+ ku ka rolin kryesor të Danny Sullivan. Së bashku me flokët e tij të frymëzuar nga vitet ’70, Tom veshi një bluzë të gjelbër të errët dhe një palë xhinse blu.
Ylli i ‘Spider-Man’ kishte veshur edhe një palë këpucç ngjyrë kafe të errët dhe kompletoi pamjen e tij me një xhaketë ngjyrë bezhë. Në një moment aktori u pa duke mbajtur një pasqyrë dore ndërsa filmonte një skenë në natyrë në Midtown Manhattan. “The Crowded Room është një serial që do të eksplorojë histori frymëzuese të atyre që kanë luftuar me sëmundjen mendore dhe kanë mësuar të jetojnë me sukses me të”, sipas Deadline.
Sezoni i parë, i cili do të ketë 10 episode, bazohet në jetën e shkrimtarit dhe producentit Akiva Goldsman, si dhe në pjesë të biografisë së Daniel Keyes, The Minds of Billy Milligan. Tom është vendosur të portretizojë Danny Sullivan, një personazh i bazuar në Milligan, i cili ishte individi i parë që u lirua nga një krim për shkak të çrregullimit të shumëfishtë të personalitetit. Çrregullimi i Personalitetit të Shumëfishtë është një diagnozë tashmë e zhdukur e njohur aktualisht si çrregullim i identitetit disociativ.
and then