Shqiptarët përdorin “Rrugën e frutave” për trafikun e drogës! Kapen 200 kg kokainë në Spanjë, pesë në pranga

Pesë shtetas shqiptarë janë arrestuar nga autoritetet spanjolle për shkak trafik të lëndëve narkotike.

Mediat spanjolle raportojnë se policia ka kapur një sasi prej 200 kilogramësh kokaine, e cila u gjet në një kontejner në një anije që mbërriti në Portin e Vigos orët e fundit.

Ngarkesa e kokainës mbërriti në terminalin e Vigos me një anije kontejnerësh këtë të hënë, ndërsa anija po udhëtonte nga Amerika e Jugut në të ashtuquajturën ‘rruga e frutave’.

Si policia ashtu edhe Shërbimi i Mbikëqyrjes Doganore po prisnin mbërritjen e anijes, duke dyshuar për praninë e një ngarkese të paligjshme.

Rastësisht, një vit më parë, policia pengoi hyrjen e 1,250 kilogramëve kokainë, të lidhur me mafian shqiptare, nëpërmjet Portit të Vigos. Droga udhëtoi nga Ekuadori në një anije kontejnerësh dhe në atë operacion, në të cilin u arrestuan 9 persona (shqiptarë dhe belgë).