Barça i përgjigjet shpejt Realit, triumfon 3-0 përballë Oviedo-s duke u rikthyer menjëherë në krye të La Liga-s, plus 1 në raport me rivalin e tyre të përjetshëm. Ndryshe nga se pritej, ekipi i Hansi Flick vuajti jo pak ku goli i parë erdhi në minutën e 52-të, pas një gafe në mbrojtje, Dani Olmo përfitoi duke dërguar topin në rrjetë me një goditje të saktë.
Oviedo bëri gjithçka keq në këtë transfertë duke i dhuruar Barçës edhe golin e dytë pak minuta më vonë, ku sërish një gafe në mbrojtje u shfrytëzua nga Raphinha me këtë të fundit që me një parabël të ëmbël dyfishoi shifrat.
Stafetën e mori më pas Lamine Yamal, me talentin spanjoll që fillimisht goditi shtyllën ndërsa në minutën e 73-të realizoi një super gol me një veprim të bukur akrobatik. Hansi Flick shijon këtë sukses të pastër 3-0 përballë Oviedo-s:
“Jam i kënaqur me ekipin, veçanërisht në pjesën e dytë. Pjesa e parë ishte më e vështirë për ne. Gjëja më e rëndësishme ishte goli i parë, më pas gjithçka ishte me e lehtë pasi dolëm në lojën tonë”, u shpreh Hansi Flick. Suksesi i Barçës mori faqet e para të mediave spanjolle ku në qendër ishte Lamine Yamal.
Një fitore të rëndësishme në javën e 21-të të La Liga-s siguroi edhe Atletico Madrid. Ekipi i Simeones triumfoi pastër 3-0 përballë Mallorca-s. Falë këtij suksesi, Atletico qëndron në vendin e tretë në kuotën e 44 pikëve, tetë më pak se Barcelona kryesuese.
and then