Gazetari Julian Hoxhaj, i ftuar në studion e News24, ka komentuar zhvillimet e fundit lidhur me hetimet ndaj ish-zëvendëskryeministres Belinda Balluku, duke theksuar se procesi pritet të jetë i gjatë pas nisjes së ekspertimeve të celularëve të marrë në shqyrtim nga SPAK.
Sipas tij, fakti që ka kaluar kohë që nga momenti kur Balluku është mbrojtur politikisht, i ka dhënë kohë të vlefshme asaj dhe kryeministrit Edi Rama për të zbehur interesin publik mbi çështjen.
Hoxhaj theksoi se procedurat hetimore janë komplekse dhe kërkojnë kohën e nevojshme. “Vetëm ekspertimi i telefonave kërkon minimalisht dy muaj, pa llogaritur mbledhjen dhe analizimin e materialeve të tjera,” u shpreh ai.
Ai shtoi se edhe pas kësaj faze, agjentët e BKH dhe prokurorët e SPAK do të kenë nevojë për kohë shtesë për të identifikuar provat e vlefshme për hetimin.
Sipas gazetarit, për shkak të këtyre proceseve, është e mundur që për muaj të tërë të mos ketë zhvillime konkrete në lidhje me çështjen Balluku, duke e bërë hetimin një proces të zgjatur dhe kompleks.
and then