Avokati Detar Hysi ka shpjeguar procedurën dhe kriteret për përfitimin e statusit të të penduarit të drejtësisë, duke sqaruar rolin e prokurorisë dhe gjykatës në këtë proces.
I ftuar në emisionin “Oponencë” në News24, Hysi theksoi se procesi nis me bindjen e prokurorit mbi bashkëpunimin e të pandehurit.
“Që një shtetas të jetë i penduar i drejtësisë duhet të bindet prokurori. Statusin e jep gjykata. Nëse thëniet e tij në proces konfirmohen në fund, ai merr statusin e të penduarit të drejtësisë,” u shpreh ai.
Sipas tij, një element thelbësor në këtë proces është verifikimi i deklarimeve të personit që kërkon të bashkëpunojë me drejtësinë, pasi vetëm nëse ato provohen, mund të përfitohet statusi përkatës.
Hysi shtoi se besueshmëria e individit që bashkëpunon është një faktor i rëndësishëm për vlerësimin e tij në proces, duke qenë se dëshmitë e tij duhet të mbështeten dhe konfirmohen gjatë hetimeve.
Në këtë kuadër, ai nënvizoi se statusi i të penduarit të drejtësisë është rezultat i një procesi që kërkon verifikim dhe konfirmim të plotë të informacionit të dhënë nga bashkëpunëtori.
Ai theksoi se në rastet kur një i pandehur konsiderohet si përdorues i drogërave, besueshmëria e tij vendoset në pikëpyetje, deri në pikën që të pandehur të caktuar mund të kenë nevojë përdorimin e metadonit për të rrëfyer në seancat gjyqësore.
and then