Atletico Madrid lë pas periudhën e vështirë të ndeshjeve të fundit, teksa rikthehet te fitorja në La Liga, duke mposhtur 3-0 Real Sociedad në transfertë, në një ndeshje të vendosur vetëm në shtatë minutat e fundit.
Skuadra e Diego Simeones dominoi pjesën më të madhe të takimit, por pa mundur të gjejë golin në 45 minutat e para. Gjithçka ndryshoi në minutën e 84-t. Pas një prekjeje me dorë brenda zonës, Atletico fitoi një penallti dhe Grimaldo u tregua i saktë nga pika e bardhë, duke zhbllokuar sfidën.
Vetëm gjashtë minuta më vonë, David ish sulmuesi i Juventusit dyfishoi avantazhin. Sulmuesi kanadez shmangu dy mbrojtës dhe me një goditje të saktë e dërgoi topin në cepin e portës. Në sekondat e fundit erdhi edhe goli i tretë. Simeone depërtoi në zonë, doli përballë portierit Remiro dhe me qetësi vulosi fitoren 3-0.
Tre pikë të rëndësishme për Atletico Madridin, që ngjitet në vendin e katërt me 10 pikë, ndërsa Real Sociedad mbetet në vendin e 12-të me 7 pikë.
and then