Përplasen dy automjete në Sarandë, një person dërgohet në spital

Një aksident rrugor është regjistruar në aksin Gajdar-Sarandë, në hyrje të qytetit, ku dy automjete janë përplasur me njëri-tjetrin.

Në aksident janë përfshirë një automjet tip “Ford”, me drejtues Baki Sinani, dhe një automjet tip “Toyota”, me drejtues Damo Qoku.

Si pasojë e përplasjes, ka mbetur i dëmtuar drejtuesi i “Toyota”-s, Damo Qoku, i cili është transportuar me autoambulancë drejt Spitalit të Sarandës për të marrë ndihmën mjekësore.

Në vendngjarje kanë mbërritur menjëherë shërbimet e Qarkullimit Rrugor, të cilat kanë nisur verifikimet për përcaktimin e shkaqeve të aksidentit.

Sipas mjekëve, Sinani ka pësuar tronditje nga përplasja, ndërsa fatmirësisht aksidenti nuk ka shkaktuar viktima.

Policia vijon punën për dokumentimin e plotë të rrethanave të ngjarjes, ndërsa nga përplasja janë shkaktuar dëme materiale.